運滯
Sunday, February 24th, 2008PS I love you同Jumper之間，我揀左Jumper……-_- 套戲可以用來拍無線o個o的靈異節目同埋鄭伊健曾經主持o個套奇幻潮，純粹係講有條友有赲的能力，有班人想殺佢，有個人好慘，最後冇死，仲要好快樂咁過日子。Jumper本書本身用左好多筆觸去描述角色的感受，佢係透過呢堆感受令讀者諗返，有同冇呢種能力，係要面對咩問題(唔單止係被殺咁簡單)，但係齣戲太短，同之前Da Vinci Code一樣，漏左好多野冇講。如果呢齣戲係想表達呢種能力係有代價，咁勁係怒突出佢有呢種能力有咩好處，而害處就只係用左套片唔知有冇1/20的時間去表達，仲要講到日子係好開心快樂，咁真係一種敗筆，呢套戲太過忽略角色的個人發展而錯誤地著重於幾時要發生咩事。
昨晚個夢實踐左我一個思想實驗：兩個人合作，一條友負責偷野，第二個做駁腳，然後第一個衝返轉頭攔住個受害者，呢個夢將我呢個實驗用影像具現化，果然係絕頂超仆街。首先係一間房，在我視線範圍內我放低左張八達通，隔離兩米左右有個賊(冇錯，個腦已經預先講左呢個係賊)，咁跟住我打電話畀李康祥(i.e. 即係其中一隻手係渣住個電話)，跟住個賊伸隻手出黎越行越近，我亦都正想伸手拎返張八達通，結果佢係以矮身材成功快過我彎低身搶到，然後佢火速跑去門口，我腳長跑得快捉住佢，但係：仆街！佢就咁將張八達通拋出去！然後閂埋度門再鎖返……我一野推低佢踩左幾腳開鎖再開門(浪費時D時間)然後衝出去睇，有個高佬著住紅色風褸極快在人群穿插，然後在視線範圍內消失……呢D情況，真係報警都報唔切，追出去隨時連條矮仔都走甩埋，唔追就會冇左張八達通……呢種方法唔係新，但係有冇人諗到解決辦法？係唔係行出街一定要成班人組隊先至穩陣？
今晚出尖沙咀板前~ 真好~