偉大工程 (Great Engineering)
Monday, January 21st, 2008呢排閱讀系統神的blog, 都開始反省點解自己越大就越係做唔到D偉大野, 當年o個種即興同突發性成功, 已經再見唔到, 一切都只信按部就班, 唔諗清楚就唔好開始做, 自己開始由underengineered移左過去overengineered, 只係一個極端移去另一個極端. 無可置疑, 呢種discipline係為左teamwork的環境而設, 但就算係做自己野, 都已經用左呢套mindset, 唔識得shift返轉頭, 而且亦唔係太記得以前o個股衝勁係點gen出黎, 究竟點樣可以一晚起晒成個site, 點樣可以即興幫sparc機換harddisk, 點樣可以由唔識變做專家
事實上, 只要真係列個時間表出黎, 就知道D野冇可能做得完… 問題係, 以前明知係做唔晒, 都可以無啦啦狂衝D高質素的產物出黎, 但係而家一知道做唔晒, 就諗點樣做trade off, 點樣排priority, 要分配幾多資源落去呢個task, 連點樣做D高質素的產品出黎, 都要諗過度過, 究竟咩為之進步, 咩為之退步, 真係好難一概而論, 但歸納個現象係, 做o既o野多左, 但做o既好o野少左好多
有冇人可以話畀我知o個股衝勁係點gen出黎? 係唔係要著迷/迷信/執著/好奇先至可以gen D勁o野出黎?