扶手電梯與電訊網絡供應商
Friday, June 30th, 2006今日在荃灣，途經裁判法院過荃灣大會堂的天橋，發現部電梯壞左，然後發現呢一句：「If out of order xxxxx Contact Otis xxxxxx…..」，究竟有幾多人會contact返間維修公司？開頭我都覺得冇，但係呢條電梯係o個度唯一的電梯，如果佢停左的話，在酷熱的天氣下，要行一條又長又斜的樓梯，搵個電話黎發洩下都要o既。
如果換轉係中環至半山的電梯全線out of order，然後再俾個收費hotline出黎俾人打，咁就勁喇，一黎電訊公司可以收取一蚊服務費，二黎條hotline可以完全係兩回事，變左係打去做問卷都得。條電梯每日的使用量係40,000人，如果條電梯壞足一個月，就有1,200,000人次會打去條hotline，的確一個龐大的商機。