港男/女
呢個話題由網絡挖到上周刊電台, 而家挖到上電視, 其實一句老調：「人比人，比死人」可能可以令人釋懷, 但係相同物種之間的內部競爭係自然存在的, 與其用道德同道理將本能淡化, 倒不如嘗試去利用呢種競爭環境, 例如女性互相之間的「體形戰爭」造就大量纖體美容生意, 男性之間的競爭則無處不在, 諸如樓房、車、女、金勞等奢侈品, 下至衣著、眼鏡、甚至電話也是戰線, 而有甚麼生意可以專針對男女間的競爭?
同樣都是本能問題, 男性普遍比女性在緊張的環境下更果斷, 例如前排有篇研究關於男性荷爾蒙的血濃度與正確判斷股市走向的關係, 而女性普遍都比男性更長壽, 更善於語言溝通, 平等看待兩性本身已蘊含著經濟學上的矛盾, 未能發揮各自所長, 或壓抑著其中一方的發展, 若然真的如陶傑所說, 香港的經濟著重語文溝通及交際能力(其實呢句全真句真係廢到爆…不過陶傑就係咁…), 而你發現身邊其實有唔少人讀書同見識都少過自己, 但你一年搵埋都唔夠拎黎比佢交稅, 又係咪時候諗下有咩生意, 可以將堆有優勢的人put返落黎, 而將有質素但沒優勢的人call返上去? 說到最終, 如果講拜金主義, 講物質主義(唔係唯物主義, materialism), 其實都是基因作祟, 是本能在富裕社會下的投射, 是生物對於這個生境的反應, 但既然我們都要活在這個生境下, 或貧或富都有拜金者出現, 而資本剝削是不分貧富的(看哪！富豪身家縮水的速度比我們快很多倍哩！), 我們是否應該朝著多快好省地經濟開發及資本剝削拜金主義的的人這方向呢?
最後分別講下臭西同臭撚
高登一句老套話, 「佢係港女, 咁有得屌你屌唔屌？」(意即為「她為人很拜金主義, 但如果她肯與你交配, 你是否願意與她交配？」), 男人平時諗野幾理性幾精密都好, 面對如斯難題都必定會猶豫一番, 無他的, 每個人都有盲點及缺陷, 無理取鬧只是為自己辯護, 又或「愛之深, 責之切」, 又或「得不到的葡萄是酸的」, 人家女性喜歡玩樂、喜歡浪漫、喜歡有家底的靚仔, 一個愛她的男性只會想著自己如何迎合她的喜好, 一個純粹想屌佢的男性就會數晒佢的缺點黎, 以掩飾自己想屌佢的慾望.
另一方面, 「我未搵到一個男朋友o既收入係高過我o既」, 其實香港男士, 尤其係專業人士, 都想講句「我真係好難搵到一個女朋友o既收入係高過我咯……但我始終都要有女朋友架嘛」, 若「男女平等」是討論的大前提, 那麼誰有邏輯、誰不邏輯, 一目了然, 真愛講緣份, 叫雞講銀紙, OK, 理性上擇偶當然要揀條件好的, 收入穩定的, 有錢的, 但我相信個關鍵會係：你要D錢用黎滿足D乜? 如果純粹滿足物慾, 咁我發達了, 女人錢果然係最易賺; 若果佢要D錢黎回饋父母, 令下一代有更好的環境, OK, 大家仲有咩問題?
股市
連青姐都要「替香港人不值」而當住廣大觀眾面前流淚, 我唯一的感想是「貪字得個貧」, 不妨認真想一想, 錢點解可以搵錢? 利息及利率模型百花齊放, 無論係資金或貨幣成本也好, 剝削工具擁有者也好, 財產分配一是「物競天擇, 適者生存」, 一是「多勞多得」, 但為何人人只要手執資金, 無論此人有多無能有多懶惰, 他/她都可再得到更多的資源及資金? 最近資本主義及社會主義的結果一致表明：世界仍是物競天擇以及多勞多得, 要想得到更多資源, 始終還要靠自己的頭腦及一雙手
「沒有甚麼是必然」, 這句看來很符合股市的狀況, 任誰也未必能想到匯豐會重見$35, 姑勿論是「神仙都估唔到」定還是「真係信錯左」, 每個人都應該緊記投資係有風險的(所以才有進步 
), 快錢永遠唔係易賺, 而最可貴的是快錢難賺能成功汰弱留強, 記了懶人一巴掌, 真神假妖自有分曉. 其實人心叵測, 話變就變, 繼國策及行業前景後, 公司管理文化的好壞幾乎是唯一能決定其長線業務發展的指標, 商業既唔係宗教, 又唔係政府或慈善團體, 做生意只係需要關注(大)股東利益, 個別管理人員可以有遠見可以係短視, 更可以因個別人士的遠見或短視左右公司的發展, 說實話, 在沒有足夠的數據(意指公司內部營運及財政狀況)下, 基本分析和技術分析的可信程度其實不相伯仲, 都係講個「信」字, 兩者都係在不完整信息下對未來作出推測, 一為長線, 一為短線, 信唔信係睇自己, 信得黎而又跟住做, 就要自己承擔責任.
我只不過係一條數撚, 我始終都係要講返句「賺錢只係副產品」, 理性行動就是硬道理
健康
健康都可算係經常用來出賣o既o野, 炒左咁多年, 要撥亂反正都應該唔會係一朝一夕的事, 所以都係由一步步黎
而家首要目標都係提高肺活量及將新陳代謝率提高返, 最近都重新染上跑步呢種惡習, 逢星期日凌晨一點左右起, 由大水坑跑出沙田中央公園, 抖五至十分鐘再跑回大水坑, 約十公里. 其實跑第一次時都好沮喪, 因為我跑到濾水廠果個位(只不過是一公里!!)已經開始冇氣, 係典型有腳骨力, 但個肺配合唔到的問題, 那程都係跑下停下, 而且唔慣chur肺的人, 急促吸氣呼氣會令空氣撞傷上齶, 亦令氣管的環狀肌肉積聚乳酸, 之後每吸一淡氣都會好痛, 遇著乾燥的空氣就更惡劣, 而且運動時血液以高血壓撞向腦部, 慣左就冇事, 唔慣都真係會頭暈頭痛, 而且大家都有經驗係肌肉一定會好痛…….. 跑頭兩次真係好辛苦……
之後奇蹟降臨……跑第三次已經開始冇頭痛同氣管痛的問題, 睇黎身體已經適應左, 而且肺活量也明顯提高, 可以跑到去火炭(約三公里)先至冇氣, 而且開始感到我的肺開始追趕上腳骨力, 而且頭部過熱的情況也明顯比上兩次為輕微, 之後行左陣, 再忍住跑到去中央公園, 然後抖左最耐的一次(足15分鐘), 回程就懶少少啦~ 都係半行半跑, 但感覺明顯係進步了, 而且之後成個禮拜都唔覺得肌肉痛
大家要再次留意, 我只係每個星期跑一次咁大把, 每次1.5至2小時(後尾才發現這其實是劇烈運動……), 已經有很不錯的效果, 而且你會發覺到跑步係了解自己的一個途徑 - 一個模擬出來的逆境, 當你沒有氣, 但卻騎在馬鞍山和沙田之間, 你刻意沒有帶錢, 不可能截車閃人, 而且周圍仲有好多人望住你(冇錯 ==” 夜晚城門河其實好多人……), 你究竟係堅持落去, 定係做膠仔行返屋企? 可能講得太玄, 不如講返身體, 其實了解多D自己的身體變化也好, 其實均速跑步點解咁難, 係因為要五個factor同時配合：1) 肺活量, 2)腳力, 3)心臟輸出率, 4) 胸肌及橫隔膜力度, 而比較少人留意的是：5) enzyme濃度. @o@!!!! 就算最簡單將氧氣溶入血, 將二氧化碳由血釋放返出黎, 都係需要enzyme黎加速, 更何況若果你冇足夠的enzyme去令你D肌肉燒堆醣(嚴格黎講係做Krebs cycle)、將肝醣及脂肪轉做血糖、轉換肌肉的乳酸等, 咁真係事倍功半, 所謂「身體適應」, 某程度上身體能夠準備更多enzyme去回應訴求都係其中一部分 (註：enzyme唔會在化學過程後消失或變成另一種化合物)
到第四次跑, 我已經可以唔停咁直接跑到去大會堂了, 我回程時開始刻意研究哪種步速能與呼吸節奏同步, 令我能夠不停地跑, 但又不至於上氣不接下氣, 結果係要一種很慢的步速才能做到, 我結果跑了最長的一次, 要2小時
第五次跑, 由於已經跑熟左條路, 開始知道跑到邊個位就大概係腳炒肺炒定頭炒, 識得控制步速及呼吸速度, 而且呼吸速度及吸入多少空氣都能控制得到了(證明胸肌及橫隔膜強大了), 可以更快吸氣呼氣, 再加上肺活量的增強, 每次可以吸入及呼出更多空氣, 那麼每秒鐘就能做更大規模的換氣過程, 這次雖然落很大雨, 條街得13度, 但卻是我跑得最輕鬆的一次, 而且首次出現腳力不足, 肺力有餘的情況, 這次跑了1.5小時
第六次, 即最近一次, 跑了一小時多一點, 步幅大了, 氣也足了, 當我第一次減慢步伐望下隔離的景物時, 已經去到火炭消防局(轉上大埔公路那個T字位), 然後過了無耐就到了泳池, 再跑多一兩分鐘已經是中央公園了
我希望第七次可以不用停下來, 直接跑回馬鞍山